🌾 🌾 “हमर छत्तीसगढ़” ईश्वर कश्यप की जुबानी🌾 🌾

हमर छत्तीसगढ़ सबो ला बड़ सुहाथे।परदेशीया मन सब इंहा बसत जाथेनवां-नवां काम धंधा हर लगत जाथेलेकिन छत्तीसगढ़ीहा परदेश कमाथे।।

छत्तीसगढ़ के एक अलग पहचान हे।छत्तीसगढ़ीहा होय म मोला गुमान हेछत्तीसगढ़ी भाखा मधु रस समान हेरायपुर शहर तो राजधानी के नाम हे।।

छत्तीसगढ़ ल कहथे धान के कटोरा।इंहा धान हर उपजथे कई बोरा-बोरामेला मड़ई के इंहा करथे सब अगोराछत्तीसगढ़ मा पूजा होथे गौरी- गौरा।।

कन्हार,मटासी, डोरसहू हे खेत खार।सिल्वर,लोहा,कोइला के भरे भण्डारसिमेंट बिजली के होत हावे पैदावारबिजली ले चलत हावे उद्योग ब्यापार।।

इंहा बाराआना मनखे करथे किसानी।किसानी से चलत हे सबके जिंदगानीहमर महानदी के हे साफ सुन्दर पानीबिलासपुर शहर हे हमर ग न्यायधानी।।

बोरे बासी ल मुख्यमंत्री तक खाय हे।नवां मुख्यमंत्री विष्णु देव जी साय हेबारो महिना इंहा तिहार, बार आय हेत छत्तीसगढ़ सबले बढ़िया कहाय हे।।